CIA

هشارككم في السطور القليلة الجاية ،تجربتي مع اختبار CIA Challenge Exam  مع بعض النصائح اللي ممكن تهمك وانت بتحضر للأختبار أو لو حابب تاخد فكرة عنه.

أولاً : ماهو اختبار CIA Challenge Exam ؟
تم طرح الإختبار عالميا في مجموعة من الدول وللحاصلين على الشهادات المهنية من الهيئات المعتمدة في تلك الدول) وفي 2020 أصبح متاح للحاصلين على الزمالة السعودية عن طريق الممثل المحلي وهو الجمعية السعودية للمراجعين الداخليين .الهدف من الإختبار في رأيي هو نشر وظيفة المراجعة الداخلية بشكل أكبر والتوعية بها كمهنة مستقبلية في بعض البلدان بصفة خاصة وتعزيز الشراكة الاستراتيجية مع الهيئات والكيانات الخاصة بالمهنة زي AICPA  وده هنشوفه في المستقبل بشكل أكبر من خلال تطوير المعايير الخاصة والمرتبطة بتعاون المراجع الداخلي مع المراجع الخارجي - زي معيارالمراجعة الدولي رقم 610، إستخدام عمل المراجعين الداخليين-، وكمان شرح دور المراجع الداخلي بشكل أكثر دقة وتفصيلاً ضمن مناهج الشهادات الأخرى زي CPA. هدف البورد كان تخفيف العبء عن حاملي الشهادات المهنية المعتمدة سواء CPA ، SOCPA أو ACCA , (أو شهادات معتمدة أخرى تم تحديدها) يعني ببساطة مفيش داعي تذاكر نفس الماتريال اللي إنت نجحت فيها قبل كدة ، وبيتم التركيز فقط على المحتوى الخاص بالمراجعة الداخلية وإلغاء المحتوى المتشابه مع الشهادات الأخرى.
في إعتقادي ان النظام دة هيكون مؤقت وليس دائم، وده المشار إليه على الموقع الرسمي للمعهد الدولي للمراجعين الداخليين بأنها " فرصة محدودة Limited opportunity “"عشان كدة أنصحك بإنتهاز الفرصة ،
يعني حضرتك لو مش بتزاول مهنة المراجعة الداخلية لكن معاك ٍSOCPA أو CPA  أنصحك إنك تضيف الشهادة لمكتبتك، خصوصاً لو ناوي تفتح مكتب محاسبة أو تشتغل في الاستشارات أو فريلانسر مستقبلا.
موعد الإختبار:بتبدأ عملية التقديم للإختبار عادة خلال شهري يونيو و سبتمبر، وبيتم الإختبار في أغسطس ونوفمبر (والإعادة في حالة عدم النجاح بتكون في اغسطس ، نوفمبر وفبراير، هتحتاج تتواصل مع البورد عشان تتابع أوقات الإختبارات والإعادة. ولو معاد التقديم فاتك، اتواصل معاهم بيبقوا عاملين تمديد للتقديم

ثانياً- محتوى الإختبار:
محتوى الإختبار بيشبه اختبارات CIA التقليدية بشكل كبير وبيتكون من:
 الجزء الأول:  أساسيات التدقيق الداخلي ، وده أول جزء في الاختبار التقليدي  وبيمثل 35 %  من الإختبار. 
الجزء التاني : ممارسة التدقيق الداخلي ، والجزء ده هو الجزء الرئيسي واللي بيتكون من مراحل التطبيق الفعلي لعمليات المراجعة من التخطيط للمهمة الى التواصل الفعال مع عملاء المراجعة والبورد، وبيمثل 43% من الإختبار
الجزء الثالث: المعرفة بأعمال التدقيق الداخلي، تقريبا من20 ل 25% من الجزء الثالث في الإختبار التقليدي. واللي بتدرس فيه تحليل البيانات ، ونظم المعلومات وبعض الموضوعات المهمة بالأعمال زي إدارة المشاريع ،. ده بيمثل 22% من الاختبار.
والرابط ده موجود فيه فهرس مواضيع الإختبار : 

 مدة الإختبار 180 دقيقة ، وعدد الأسئلة 150 سؤال
الإختبار متاح فقط باللغة الإنجليزية.
درجة النجاح 600 على مقياس من 250 الى 750 درجة.
حسب المعهد الدولي للمراجعين الداخليين رسوم الإختبار 1195 دولار للأعضاء ، و 1545 دولار لغير الأعضاء. ( تكلفة كبيرة لكن موفرة بالمقارنة بالنظام العادي الثلاث أجزاء )


ثالثاً : كيفية التقديم على الاختبار :
لو عندك حساب بالفعل على المعهد الدولي للمراجعين الداخليين، فبسهولة تقدر عن طريق CCMS  تدخل وتقدم جميع أوراقك.أما لو معندكش حساب فالتقديم بيتم في البلد اللي حضرتك مقيم فيها، يعني لو حضرتك مثلا حاصل على الزمالة السعودية ، بيتم اولاً التقديم على عضوية الجمعية السعودية للمراجعين الداخليين  في أوقات التقديم الرسمية للإختبار - ودي غير رسوم العضوية العادية فقط وبتمنحك تكلفة الإختبار المزايا التالية :بيتم عمل عضوية لحضرتك بالجمعية السعودية للمراجعين الداخليين.وبيتم عمل عضوية بالمعهد الدولي للمراجعين الداخليينوبيتم منحك كورس لمدة سنة The IIA's CIA Challenge Exam Study Guide وده كورس بيشمل الكتب والأسئلة واختبار تجريبي.وبكدة حضرتك بتدخل تعمل حساب على المعهد الدولي للمراجعين الداخليين، CCSM على الرابط ده:
بعد ما حضرتك بتعمل حساب بيتطلب منك بعض الأوراق اللي منها شهادة الزمالة السعودية SOCPA و CPA و خطاب التوصية.أنا عن نفسي كان متاحلي التقديم بالشهادتين، لكن قدمت بالزمالة السعودية للمراجعين والمحاسبين SOCPA.لو شهادتك قديمة وبدون لغة إنجليزية هتحتاج تترجمها، لكن مش ضروري ترجمة معتمدة ( إبعتلي هنا إيميلك وهبعتلك نموذج وورد تعدل عليه وتحوله صيغة pdf  وتبعته مع صورة الشهادة الأصلية .ومن الحساب ده بتقدر تقدم على الإختبار وتتابع كل حاجة من بداية التقدم للإختبار وحتى إستلام الشهادة .مهم جداً انك تكون عارف ان بمجرد قبولك في التقديم أمامك 180 يوم فقط عشان تدخل الاختبار ، ومدة البرنامج 3 سنوات فقط من بداية القبول بالبرنامج.بالنسبالي كان عندي حساب قديم - لكن مكنتش دخلت الاختبار التقليدي - مع المعهد الدولي للمراجعين الداخليين، واتواصلت مع المعهد، وحولت حسابي القديم التقليدي الى الاختبار الجديد.

رابعاً: نصائح للمذاكرة والتح+ضير للإختبار :
الإختبار مستواه فوق المتوسط ، أكيد مش سهل ، لكن مش بالصعوبة لشخص مذاكر كل المنهج ومراجع كويس.خلال الاختبار هتقابلك أسئلة كتير بسيطة وسهلة وبتعزز ثقتك في نفسك ، وهتقابل أسئلة فوق المتوسط بتقيس مدى فهمك للمحتوى. عشان كدة:

هتحتاج خطة مرنة تراعي أي صعوبات خصوصا لو وقتك محدود وعندك ضغط شغل .
مدة التحضير والمذاكرة لازم تكون مناسبة حسب امكانياتك ووقتك، متكونش قصيرة أو أطول مما يجب. ( عن نفسي حضرت في 3 اشهر وراجعت في شهر واحد).
المنهج ظريف وفي أغلبه غير ممل – مع انه نظري- لكن على العكس هتتعلم منه جداً، خصوصاً لو عندك خبرة بسيطة في المجال.
أي جزء هتتجاهله من المنهج بيقلل فرص نجاحك، يعني لو محتاج تجيب 80 من 100 عشان تنجح، كدة هتحتاج تجيب 80 من 90 عشان تنجح، فمتاخدش المخاطرة دي.
لو بتعيد الإختبار ، أنصحك تبدأ تذاكر أصعب جزء انت مش بتحبه في الأول،خصوصاً وانت لسه بكامل طاقتك، هيديك ثقة كبيرة، الهروب والتسويف مش حل.
تحليل البيانات ونظم المعلومات، مفهوم جدا انه جزء مش مستحب لناس كتير، حاول تستفيد منه على قد ما تقدر لأنه المستقبل.
منهج ال CIA learning system  جيد جدا وشامل كل حاجه ، لكن مستحب جدا انك تدرب على بنك اسئلة من أي مقدم خدمة آخرانا عن نفسي ذاكرت بشكل رئيسي من Gleim  و The IIA's CIA Challenge Exam Study Guide  وحليت معظم اسئلتهم واللي بلغت تقريبا 2225 سؤال من Gleim  و 1000 سؤال للكورس المجاني بخلاف الاختبارات التجريبية ، كمان قرأت المعايير بالكامل مع شرحها Implementation Guide ، وكانت إضافة جيدة جدا.  https://www.theiia.org/globalassets/documents/standards/implementation-guides-gated/2019-implementation-guides-all.pdf
على عكس معظم إختبارات الCPA  واللي معظمها عملي ، مفيش مانع من التكرار في حل الأسئلة لدرجة إنك تحفظ الإجابات ،بشوف ان ده مفيد جداً لأن المحتوى نظري وكمان في أجزاء بيتم الإختبار فيها على مستوى الإلمام.
وأخيراً، لو إستفدت من التجربة شاركها مع أصحابك عشان الكل يستفاد ولو عندك إستفسار إكتبلي في التعليقات
.Alaa Elsayed, CIA, CPA, SOCPA